सफलताको शुत्रमा

सफल्ताको शुत्रमा एउटा यो कुरा पनि आउनुपर्छ।

आफू सफल हुन,पहिले अरुलाई सफल बनाउनुपर्छ।

गरिबको घरमा संसार नभेटिएला संस्कार भेटिन्छ 

हामीलाई उभिन पनि अझै अरुकै हात समाउनुपर्छ।

उस्तै देखिन्छन् देखिन त सलाईका काँटीहरु पनि

कुनैले दियो जलाउँछन्,कुनैले आफ्नै घर जलाउनुपर्छ।

उचाईमा बसेर मात्रै पुग्छ, यो नसोचियोस् महाशय

आकाश हुनका लागि छाती पनि फराकिलो बनाउनुपर्छ।

- युवराज अवशेष